martes, 22 de diciembre de 2015

Pasucais Por una sociedá llibre de violencia machista

Martes 29 de diciembre - 20:00 h - Plaza del Humedal - Xixón

Convoca: Muyeres en llucha de la CSI
Dende Muyeres en llucha facemos un llamamientu a recorrer les cais de Xixón glayando ¡Acabemos cola violencia machista! ¡Acabemos col machismu!
Tamos fartes. Fartes d’esti feminicidiu. Fartes de tola violencia machista. Otru añu más termina, otru añu negru, con más de 100 asesinatos machistes, más de 100 vides arrancaes y milenta más destruíes, anque munches nun entren nes estadístiques, anque muncha violencia sigue negándose o invisibilizándose. Pero nun queremos falar de númberos, porque 1 víctima ya sedría muncho. Por toes tenemos milenta razones pa siguir na cai tolos díis lluchando por camudar esta sociedá inxusta y cruel.
El pasucais entama dende’l mesmu llugar y a la mesma hora que durante tol añu tamos concentrándonos en rempuesta de denuncia y rechazu de tolos asesinatos machistes, y nel que seguiremos tando l’añu que vien, porque creyemos que ye la única manera de visibilizar y concienciar sobre esta lacra social.
Esti añu ta siendo mui llargu, pero cada díi son más les voces que se unen a esta llucha, y les manes que quieren trabayar y poner el so granín d’arena. El día 29 les cais de Xixón tienen que llenase de gritos contra la VIOLENCIA MACHISTA.
Quien puea que venga con ropa oscura. Vamos preparar cartelos colos nomes de les víctimes d’esti añu que vos repartiremos nel pasucais.
Acabar cola violencia machista ye responsabilidá de tola sociedá.
Participa y difunde.
¡NIN UNA MÁS, NIN UNA MENOS!
¡VIVAS NOS QUEREMOS!
¡ACABEMOS COLA VIOLENCIA MACHITA!